بھارت میں8 ماہ بعد سنیما کھل گئے

17 اکتوبر ، 2020

بھارت میں کورونا وائرس کے باعث احتیاطی تدابیر کے پیشِ نظر بند سنیما گھر 8 ماہ بعد دوبارہ کھول دیے گئے۔

بھارت میں لاک ڈاؤن میں نرمی کے بعد اب متعدد ریاستوں میں سنیما گھروں کو کھولنے کی اجازت دی گئی ہے جبکہ سنیما گھروں میں ایس او پیز کے ساتھ گنجائش سے 50 فیصد کم لوگوں کو بٹھانے کا حکم دیا گیا ہے۔

بھارت کی متعدد ریاستوں میں 8 ماہ بعد سنیما گھر دوبارہ کھول دیے گئے ہیں لیکن سنیما گھروں میں فی الحال کسی بڑی فلم کی ریلیز کا امکان نہیں ہے۔

سنیما گھر کھلنے کے باوجود بھی فلموں کو ریلیز نہ کرنے کی بڑی وجہ یہ ہے کہ سنیما گھر مالکان اس بات سے پریشان ہیں کہ اب طویل عرصے بعد دوبارہ فلمی شائقین سنیما گھر کا رخ کرتے ہیں یا نہیں۔

اس ضمن میں ریلائنس کے سی ای او شیباسش سرکار کا کہنا ہے کہ اگر ہم فلم ریلیز کرتے ہیں تو ہمیں نہیں معلوم کہ فلمی شائقین آئیں گے بھی یا نہیں۔

فی الوقت بھارت کے سنیما گھروں میں پرانی فلموں کی اسکریننگ کی جا رہی ہیں جبکہ متعدد پروڈکشن ہاؤسز اپنی فلمیں آن لائن اسٹریمنگ سائٹس کو بیچ رہے ہیں جن میں نیٹ فلکس، ایمازون پرائم اور ڈزنی ہاٹ اسٹار شامل ہے۔

تازہ ترین