آپ آف لائن ہیں
جمعہ5؍ربیع الاوّل 1442ھ 23؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مسجد نبوی میں سینیٹائزنگ کیلئے روبوٹ کا استعمال شروع

حرمین شریفین انتظامیہ کے سربراہ شیخ ڈاکٹر عبد الرحمٰن السدیس نے حرم شریف کے بعد اب مسجد نبویﷺ میں بھی سینیٹائزنگ کے لیے روبوٹ کا افتتاح کیا ہے۔

مقامی میڈیا کے مطابق اسمارٹ روبوٹ مسجد نبویﷺ کے اندرونی حصے میں ماحولیاتی صفائی اور وبائی بیماریوں سے پاک ماحول فراہم کرنے میں معاون ثابت ہوگا۔

اسمارٹ روبوٹ پیشگی انتباہ کرنے والے نظام سے لیس ہے اور یہ بند مقامات کی سینیٹائزنگ بھی کرے گا۔


جدید کیمرے سے لیس روبوٹ بیٹری سے ری چارج کیے جانے کے بعد 5 سے 8 گھنٹے انسانی مدد و نگرانی کے بغیر کام کرسکے گا۔

اس میں 23.8 لیٹر محلول  رکھنے کی گنجائش ہے اور یہ ایک گھنٹے میں دو لیٹر محلول کا اسپرے کرتا ہے۔

 ایک بار 600 مربع میٹر کے بند حصے میں موجود بیکٹریا کا خاتمہ کردیتا ہے۔

یہ دس میٹر آگے تک کی رکاوٹوں کا پتہ لگا لیتا ہے، اس سے پہلے اسمارٹ روبوٹ مسجد الحرام میں بھی فراہم کیا گیا تھا۔

بین الاقوامی خبریں سے مزید