کیپٹن صفدر (ر) کی گرفتاری کا معاملہ سندھ حکومت کی ذمہ داری ہے، زاہد خان

عوامی نیشنل پارٹی (اے این پی) کے رہنما زاہد خان نے اپنے بیان میں کہا کہ کیپٹن صفدر (ر) کی گرفتاری کا معاملہ سندھ حکومت کی ذمہ داری ہے، سندھ حکومت معاملے کی تحقیقات کرکے حقائق سامنے لائے۔

ترجمان اے این پی زاہد خان نے کہا کہ تحفظات کا اظہار کرنے والی جماعتوں کو چیئرمین نیب کے خلاف ریفرنس دائر کرناچاہیے کیونکہ چیئرمین نیب کے خلاف ریفرنس دائر کرنے کے علاوہ اور کوئی چارہ نہیں۔

گرفتاری کیلئے چادر اور چار دیواری کا تقدس پامال کیا گیا، زاہد خان

عوامی نیشنل پارٹی (اے این پی) کے رہنما زاہد خان کا کہنا ہے کہ سندھ پولیس نے کیپٹن ریٹائرڈ صفدر کی گرفتاری کیلئے کمرے کا دروازہ توڑ کر چادر اور چار دیواری کا تقدس پامال کیا ہے۔

اپنے بیان میں زاہد خان نے کہا کہ اسمبلیوں سے چیئرمین نیب کے خلاف قرارداد منظور کرانی چاہیے۔ اُنہوں نے کہا کہ اسپیکر قومی اسمبلی خواب میں بھی اپنی یو سی کا الیکشن نہیں جیت سکتا۔

زاہد خان نے کہا کہ پی ڈی ایم کو اسپیکر قومی اسمبلی کے خلاف بھی حکمت عملی بنانی چاہیے، پی ڈی ایم کو اسپیکر قومی اسمبلی کے خلاف تحریک لانے پر سوچنا چاہیے۔

کیپٹن (ر) صفدر کراچی میں گرفتار

کراچی میں تھانہ بریگیڈ پولیس نے مسلم لیگ نون کے رہنما کیپٹن ریٹائرڈ صفدر کی گرفتاری کی تصدیق کرتے ہوئے کہا ہے کہ انہیں آج عدالت میں پیش کرنے کا فیصلہ ابھی نہیں ہوا ہے۔

اُن کا مزید کہنا تھا کہ سیاسی رہنما دباؤ برداشت نہیں کرسکتے تو یہ تو بیچارہ آئی جی ہے۔

واضح رہے کہ اس سے قبل زاہد خان نے اپنے ایک بیان میں کہا تھا کہ سندھ پولیس نے کیپٹن ریٹائرڈ صفدر کی گرفتاری کے لیے کمرے کا دروازہ توڑ کر چادر اور چار دیواری کا تقدس پامال کیا ہے۔

کیپٹن (ر) صفدر کی ضمانت ہوگئی، مریم نواز

کیپٹن ریٹائرڈ صفدر کو پولیس کی بکتر بند گاڑی میں عزیز بھٹی پولیس اسٹیشن سےکراچی سٹی کورٹ پہنچا یا گیاتھا ۔

ترجمان اے این پی زاہد خان نے کہا تھا کہ ہوٹل میں دھاوا بول کر کیپٹن ریٹائرڈ صفدر کو گرفتار کیا گیا، وزیراعلیٰ سندھ بتائیں گرفتاری کیلئے ان پر کس کا دباؤ تھا؟