شہباز شریف کے جسمانی ریمانڈ میں توسیع کا جواز نہیں، تحریری فیصلہ

لاہور کی احتساب عدالت نے شہباز شریف فیملی کے خلاف منی لانڈرنگ کیس میں مسلم لیگ نون کے صدر شہباز شریف کے جسمانی ریمانڈ کی درخواست مسترد کرنے کا تحریری فیصلہ جاری کر دیا۔

احتساب عدالت لاہور کے جج جواد الحسن نے 4 صفحات پر مشتمل فیصلہ جاری کیا ہے۔

شہباز شریف کو جوڈیشل ریمانڈ پر جیل بھیجنے کا حکم

لاہورکی احتساب عدالت نے منی لانڈرنگ اور رمضان شوگر ملز ریفرنس میں مسلم لیگ نون کے صدر اور قومی اسمبلی میں قائدِ حزبِ اختلاف میاں شہباز شریف کو جوڈیشل ریمانڈ پر جیل بھیجنے کا حکم دے دیا۔

لاہور کی احتساب عدالت کے تحریری فیصلے میں کہا گیا ہے کہ شہباز شریف کے جسمانی ریمانڈ میں توسیع کا کوئی جواز نہیں ہے۔

تحریری فیصلے میں کہا گیا ہے کہ تفتیش کے مطابق شہباز شریف نے فلیٹس کی قسطیں ادا کرنے کے ذرائع نہیں بتائے، شہباز شریف کاروبار کی دستاویزات بھی فراہم نہیں کر سکے۔

تحریری فیصلے میں کہا گیا ہے کہ شہباز شریف پر جو الزامات لگائے گئے ان کا ریفرنس دائر کیا جا چکا ہے، دیگر ملزمان کو ریفرنس کی کاپیاں بھی فراہم کی جا چکی ہیں۔

تحریری فیصلے میں یہ بھی کہا گیا ہے کہ منی لانڈرنگ ریفرنس کا ٹرائل شروع ہو چکا ہے، شہباز شریف کو جوڈیشل ریمانڈ پر جیل بھیجا جاتا ہے۔