آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

خدشہ ہے علی عمران فرائض ادا کرنے کے باعث لاپتہ ہوئے: رضا ربانی

پاکستان پیپلز پارٹی (پی پی پی) کے رہنما و سینیٹر میاں رضا ربانی کہتے ہیں کہ خدشہ ہے کہ ’جیو نیوز‘ کے رپورٹر علی عمران سید اپنے فرائض ادا کرنے کے باعث لاپتہ ہوئے ہیں۔

پاکستان پیپلز پارٹی (پی پی پی) کے رہنما و سینیٹر میاں رضا ربانی نے ایک بیان میں ’جیو نیوز‘ کے رپورٹر علی عمران سید کے لاپتہ ہونے کے واقعے کی شدید مذمت کی ہے۔

اپنے بیان میں رضا ربانی نے کہا کہ صحافیوں کو لاپتہ کرنے اور سنسر شپ سے سچ کو نہیں دبایا جاسکتا، آزادیٔ صحافت پر یہ حملہ آئین کی خلاف ورزی ہے۔

واضح رہے کہ گزشتہ روز ’جیو نیوز‘ کے رپورٹر علی عمران سید لاپتہ ہو گئے، اہلِ خانہ کے مطابق علی عمران گھر سے قریبی بیکری تک گئے تھے لیکن واپس نہیں آئے۔


انہوں نے یہ بھی بتایا ہے کہ علی عمران آدھے گھنٹے میں واپسی کا کہہ کر نکلے تھے تاہم ان کی گمشدگی کو کئی گھنٹے گزر چکے ہیں۔

علی عمران سید کی گمشدگی سے متعلق کراچی پولیس چیف اور ڈی آئی جی ایسٹ کو آگاہ کر دیا گیا ہے۔

قومی خبریں سے مزید