• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مریم نواز کے کریڈٹ پر جھوٹ کے سوا کچھ بھی نہیں، شہباز گل

تازہ ترین
قومی خبریں
25 اکتوبر ، 2020


وزیراعظم عمران خان کے معاون خصوصی برائے سیاسی روابط شہباز گل نے کہا ہے کہ مریم نواز کے کریڈٹ پر سوائے جھوٹ کے اور کچھ بھی نہیں ہے۔

کوئٹہ میں اپوزیشن اتحاد پی ڈی ایم کے جلسے سے مریم نواز کے خطاب پر ردِعمل دیتے ہوئے شہباز گل نے کہا کہ آپ کا کریڈٹ یہ ہے کہ آپ صرف سابق وزیراعظم نواز شریف کی بیٹی ہیں۔

انہوں نے کہا کہ آپ کے پاس بچوں کے نام پر سیاست کے سوا بتانے کو کچھ بھی نہیں، صوبائیت جیسی سیاست آپ کو ورثے میں ملی ہے۔

یہ بھی پڑھیے


شہباز گل نے مزید کہا کہ مریم نواز کو مزارِ قائداعظم محمد علی جناح کی توہین پر پوری قوم سے معافی مانگنی ہوگی۔

ان کا کہنا تھا کہ تین دہائیوں سے ملک پر مسلط رہنے والوں کو حکومت جانے کے بعد ہی عوام یاد آتے ہیں۔

وزیراعظم کے معاون خصوصی نے یہ بھی کہا کہ بلوچستان کے طلبا کا مسئلہ آپ کے دورے سے ایک ہفتہ پہلے گورنر پنجاب حل کرچکے تھے۔

تازہ ترین