دریائے سندھ میں شہریوں کی لاپرواہی سے ڈولفن مرگئی

محکمہ وائلڈ لائف کا کہنا ہے کہ نوابشاہ کینال میں دریائے سندھ میں شہریوں کی لاپرواہی سے ڈولفن مرگئی، ڈولفن دریا سے نکل کر نواب شاہ کی چھوٹی کینال میں پھنس گئی تھی۔

وائلڈ لائف کی ٹیم کے پہنچنے سے پہلے ہی شہریوں نے اُسے کینال سے نکال لیا، ڈولفن پر فوری طور پر گیلا کپڑا رکھا جاتا لیکن شہریوں نے اسے کندھے پر اٹھایا۔

حکام کا کہنا ہے کہ شہریوں کی لاپرواہی اور غیر سنجیدہ رویے کے باعث ڈولفن مرگئی۔

ڈبلیو ڈبلیو ایف حکام کا کہنا ہے کہ محکمہ جنگلی حیات کے قوانین کے تحت سیشن کورٹ میں کیس داخل کیا جائے گا۔

محکمہ وائلڈ لائف کا کہنا ہے کہ ذمہ دار افراد کو تین سال قید اور 5 لاکھ جرمانہ ہوسکتا ہے۔