آپ آف لائن ہیں
جمعہ یکم جمادی الثانی 1442ھ15؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آرزو فاطمہ کے شوہر علی اظہر نے ضمانت کے لئے عدالت سے رجوع کرلیا



آرزو فاطمہ کے مبینہ اغواء اور کم عمری کی شادی کے کیس میں مبینہ شوہر علی اظہر نے ضمانت کے لئے سیشن جج جنوبی کی عدالت سے رجوع کرلیا ہے۔

عدالت نے درخواست ضمانت ایڈیشنل ڈسٹرکٹ اینڈ سیشن جج جنوبی نمبر تین کو بھیج دی۔

علی اظہر نے اپنی درخواست میں موقف اختیار کیا ہے کہ آرزو فاطمہ کو اغواء نہیں کیا ہے آرزو فاطمہ اپنی مرضی سے ساتھ گئی اور شادی کی ہے۔

ملزم علی اظہر عدالتی ریمانڈ پر جیل میں ہے، اس کیس میں پہلے ہی تین ملزمان ضمانت حاصل کرچکے ہیں۔


دوسری جانب مدعی مقدمہ کے وکیل نے مقدمہ منتقلی کی درخواست دائر کردی عدالت نے مقدمہ منتقلی کی درخواست پر فریقین کو 18 نومبر کے لیے نوٹس جاری کردیے۔

درخواست میں موقف اختیار کیا گیا ہے کہ کیس ایڈیشنل ڈسٹرکٹ اینڈ سیشن جج نمبر تین سے کسی دوسری عدالت منتقل کیا جائے، عدالت کی جانب سے تین ملزمان کو عبوری ضمانت دی جا چکی ہے۔

قومی خبریں سے مزید