آپ آف لائن ہیں
پیر16؍ رجب المرجب 1442ھ یکم مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

معذور شخص نے دوسرے کو بچانے کیلئے جان داؤ پر لگادی


 یو جرسی کے معذور لائف گارڈ نے پانی میں ڈوبتے شخص کو بچاکر انسانی ہمدردی کی اعلیٰ مثال قائم کردی ہے۔

نیوجرسی سے تعلق رکھنے والے انتھونی کیپانو لائف گارڈ کے فرائض سر انجام دیتے ہیں، انہوں نے بتایا کہ وہ اپنی ڈیوٹی ختم کرنے کے بعد قریبی پارک میں ورزش کررہا تھا کہ اچانک میں نے دیکھا کہ بہت سارے لوگ ساحل کی جانب بھاگ رہے ہیں، ماجرا جاننے کے لئے میں بھی نیوارک بے ساحل پر پہنچا تو دیکھا کہ ایک کار سوار ساحل سے پچاس فٹ دور پانی میں ڈوب رہا ہے اور مدد کے لئے چلارہا ہے۔

اسی دوران مجمع سے کسی نے آواز لگائی کہ یہاں کوئی تیرنا جانتا ہے؟ یہ سن کر فوری طور پر میں آگے بڑھا اور پانی میں کود گیا ۔

انتھونی کیپانو نے بتایا کہ اس شخص کی مدد کے دوران میری مصنوعی ٹانگ بھی پانی کی نظر ہوئی، مگر مجھے اس کی کوئی پروا نہیں، معذور لائف گارڈ کے اس طرز عمل پر اسے نیوجرسی میں ہیرو کا درجہ حاصل ہوگیا ہے۔

دلچسپ و عجیب سے مزید