حرمتِ نبی ﷺ پامال کرنیوالوں کو کیفرِ کردار تک پہنچائیں گے، فردوس عاشق

وزیرِاعلیٰ پنجاب سردار عثمان بزدار کی معاونِ خصوصی ڈاکٹر فردوس عاشق اعوان کہتی ہیں کہ نبیٔ کریم ﷺ کی حرمت پامال کرنے والوں کو کیفرِ کردار تک پہنچایا جائے گا۔

پنجاب ، 16 نومبر سے ہفتہ رحمت اللعالمین منانے کا اعلان

معاون خصوصی وزیر اعلیٰ پنجاب ڈاکٹر فردوس عاشق اعوان کا کہنا ہے کہ حکومت پنجاب پیر 16 نومبر سے پنجاب بھر میں ہفتہ رحمت اللعالمین منائے گی۔

یہ بات وزیرِاعلیٰ پنجاب سردار عثمان بزدار کی معاونِ خصوصی ڈاکٹر فردوس عاشق اعوان نے ’جیو نیوز‘ کے مارننگ شو ’جیو پاکستان‘ میں گفتگو کرتے ہوئے کہی۔

انہوں نے مزید کہا کہ فرانس میں گستاخانہ خاکے بنائے گئے، جس کے خلاف حکومتِ پنجاب نے 16 سے 22 نومبر تک ہفتۂ شانِ رحمت اللعالمین ﷺ منانے کا فیصلہ کیا۔

وزیرِاعلیٰ پنجاب سردار عثمان بزدار کی معاونِ خصوصی ڈاکٹر فردوس عاشق اعوان کا یہ بھی کہنا ہے کہ ہفتۂ شانِ رحمت اللعالمین ﷺ منانے کا مقصد بین الاقوامی ہم آہنگی کو فروغ دینا ہے۔