کراچی(اسٹاف رپورٹر)سرسید پولیس نےآئس کا استعمال کرنے والے 4کم عمر لڑکے اور 2 لڑکیاں حراست میں لے لیا ۔تفصیلات کے مطابق سر سید تھانے کی حدود میں قائم مکان پر پولیس نے چھاپہ مار کر آئس اور کرسٹل کا استعمال کرنے والے 4 کم عمر لڑکے اور 2 لڑکیوں کو حراست میں لے لیا۔آئس کے عادی جوان لڑکوں اور لڑکیوں کو علاقہ مکینوں کی مدد سے حراست میں لیا گیا۔پولیس نے بتایا کہ ملزمان سینٹرل کے علاقے میں منشیات کے عادی لڑکے لڑکیوں کی پارٹیز کا انعقاد کیا کرتے تھے۔پولیس کا کہنا ہے کہ منشیات کا استعمال کرنے کے لئے خصوصی طور پر مکان لیا گیا تھا۔