اسلام آباد ہائیکورٹ کا ڈیٹا انٹری آپریٹر جعلی ڈگری پر برطرف

جعلی ڈگریوں کے ساتھ مختلف سرکاری محکموں میں ملازمتوں پر تعینات افراد کی برطرفی کا سلسلہ جاری ہے۔

اسلام آباد ہائی کورٹ کے گریڈ 13 کے ڈیٹا انٹری آپریٹر محمد راحیل خان کو بھی جعلی ڈگری پر برطرف کر دیا گیا ہے۔

جعلی ڈگری پر اسسٹنٹ رجسٹرار اسلام آباد ہائی کورٹ برطرف

ایڈیشنل رجسٹرار امتیاز احمد کی جانب سے صائمہ خان کی برطرفی کا نوٹیفکیشن جاری کردیا گیا ہے

اسلام آباد ہائی کورٹ کے رجسٹرار کے حکم پر ایڈیشنل رجسٹرار نے گریڈ 13 کے ڈیٹا انٹری آپریٹر محمد راحیل خان کی برطرفی کا نوٹی فکیشن جاری کر دیا۔

اسلام آباد ہائی کورٹ کے رجسٹرار کی جانب سے جاری کیئے گئے نوٹی فکیشن کے مطابق محمد راحیل خان کے خلاف محکمانہ کارروائی کا حکم دیا گیا تھا۔

اس سے قبل اسلام آباد ہائی کورٹ کے چیف جسٹس اطہر من اللّٰہ نے فیصلہ سناتے ہوئے اسلام آباد ہائی کورٹ کی خاتون اسسٹنٹ رجسٹرار 18 گریڈ کی افسر صائمہ خان کو نوکری سے برطرف کر دیا تھا۔

ایڈیشنل رجسٹرار امتیاز احمد کی جانب سے صائمہ خان کی برطرفی کا نوٹیفکیشن جاری کیا گیا تھا۔