فرمان الہی
نماز کے اوقات
پاکستان فٹبال فیڈریشن (پی ایف ایف) نیشنل چیلنج کپ میں کے پی ٹی اور افغان فٹبال کلب چمن نے پری کوارٹر فائنلز کے لیے کوالیفائی کر لیا۔
پی ایف ایف نیشنل چیلنج کپ کے مقابلے لاہور کے دو وینیوز پر جاری ہیں۔
کے آر ایل نے پوپو فٹبال کلب کو 0-9 سے آؤٹ کلاس کیا، عمیر علی اور افتخار علی نے ہیٹ ٹرک بنائی، مدثر اور جنید نے ایک ایک گول کیا۔
دوسری جانب کے پی ٹی نے گروپ اے میں دوسری پوزیشن حاصل کی جس نے سیف ٹیکسٹائل کے خلاف ایک کے مقابلے میں 4 گول سے کامیابی سمیٹی۔
فاتح ٹیم کی جانب سے محمد علی نے دو جبکہ فاروق اور حسن فیاض نے ایک ایک گول اسکور کیا۔
ادھر گروپ ڈی میں بلوچ فٹبال کلب کوئٹہ اور پی سی اے اے کے درمیان میچ ایک ایک گول سے برابر رہا۔
گروپ ڈی میں افغان فٹبال کلب چمن اور لائلپور ایف سی کے درمیان میچ ایک ایک گول سے برابری پر ختم ہوا۔
افغان ایف سی چمن نے ڈی گروپ میں دوسری پوزیشن حاصل کرتے ہوئے پری کوارٹر فائنل میں جگہ بنالی۔
