کے سی آر پر وزیر اعلیٰ کی جمع کرائی گئی رپورٹ موصول

کراچی سرکلر ریلوے (کے سی آر) پر وزیر اعلیٰ سندھ کی جانب سے سپریم کورٹ میں جمع کرائی گئی رپورٹ جیو نیوز نے حاصل کرلی۔

 مراد علی شاہ نے رپورٹ میں موقف اپنایا ہے کہ مالی مشکلات اور کورونا وائرس  کے باوجود کے سی آر کے لیے 30 کروڑ روپے کی اسکیم منظور کی، انڈر پاسز اور اوور ہیڈ برجز کی تعمیر کا کام سپریم کورٹ کے حکم پر ایف ڈبلیو او کو دینے کی منظوری دی۔

وزیر اعلیٰ سندھ نے کہا کہ  کے سی آر وفاق کا منصوبہ ہے،  سپریم کورٹ کہے گی تو سندھ حکومت 30 کروڑ روپے دے دے گی۔

کراچی سرکلر ریلوے چلانے کی کوشش یا بند کرنے کی سازش؟

ماضی میں کبھی سی پیک ، کبھی کراچی پیکج اور کبھی جدید ٹرانسپورٹ سسٹم کے نام سے سرکلر ریلوے کو چلانے کی باتیں کی جاتی رہیں ہیں مگر وعدے وفا نا ہوسکے کیونکہ صوبائی اور وفاقی حکومت منصوبے پر الگ الگ سمت میں کھڑی ہیں۔

انہو ں نے کہا کہ ایف ڈبلیو او نے 24 ریلوے کراسنگ پر کام کے لیے 25ملین مانگے ، ایف ڈبلیو او کو 10 ملین جاری کردیئے، 15ملین کی منظوری دے دی۔

مراد علی شاہ نے کہا کہ کے سی آر کو سی پیک کے فریم ورک میں ڈالنے کا منصوبہ تین سال سے التوا کا شکار ہے۔

وزیر اعلیٰ سندھ نے کہا کہ وفاقی حکومت کی جانب سے کے سی آر کو پس پشت ڈالنا کراچی کے عوام سے زیادتی ہے۔