فرمان الہی
نماز کے اوقات
مسلم لیگ نون خیبر پختون خوا کے ترجمان اختیار ولی خان کہتے ہیں کہ مردان میں پی ڈی ایم کو ریلی کی اجازت نہ دینے پر حیرت نہیں ہوئی۔
صوبہ خیبر پختون خوا کے ضلع مردان میں اپوزیشن اتحاد پاکستان ڈیموکریٹک موومنٹ (پی ڈی ایم) کے زیراہتمام ریلی اور جلسہ آج ہوگا جس کے لیے انتظامیہ کی جانب سے اجازت نہیں دی گئی ہے۔
اس حوالے سے صوبائی ترجمان مسلم لیگ نون اختیار ولی خان کا اپنے بیان میں کہنا ہے کہ ہمارے خلاف پرچے کٹنے کی پرواہ نہیں، ریلی ہر صورت ہو گی۔
انہوں نے یہ بھی کہا کہ مسلم لیگ نون کی نائب صدر اور سابق وزیرِ اعظم میاں محمد نواز شریف کی صاحبزادی مریم نواز ریلی میں شرکت ضرور کریں گی۔
واضح رہے کہ مردان میں پی ڈی ایم کی جانب سے گجو خان فلائی اوور سے ریلی نکالی جائے گی جس کی قیادت پی ڈی ایم کے سربراہ مولانا فضل الرحمٰن، مریم نواز اور یوسف رضا گیلانی کریں گے۔
امیر حیدر ہوتی، آفتاب خان شیر پاؤ اور دیگر رہنما بھی پاکستان ڈیموکریٹک موومنٹ کی اس ریلی میں شرکت کریں گے۔
مین شاہراہ شوگرملز کے قریب پی ڈی ایم کا جلسہ منعقد ہو گا، مردان میں ریلی اور جلسے کے لیے سیکیورٹی کے سخت انتظامات کیئے گئے ہیں۔
