فرمان الہی
نماز کے اوقات
ترکی نے پاکستان مخالف بھارتی ویب سائٹ بند کردی ہے۔
ترکی نے http://Hamsvasser.com نامی بھارتی ویب سائٹ بند کر دی جو پاکستان کو ترکی میں بدنام کرنے کے لیے استعمال کی جا رہی تھی۔
ویب سائٹ 1909 میں قسطنطنیہ سے عبرانی میں شائع ہونے والے ہفت روزہ کے نام پر بنائی گئی تھی۔
یہ پاکستان مخالف بھارتی پروپیگنڈہ مہم کا حصہ تھی۔
اس سے قبل ای یو ڈس انفو لیب نے بھارت کا بدنما چہرہ دنیا کے سامنے بے نقاب کر دیا، یورپی گروپ نے انڈین کرونیکلز کے عنوان سے رپورٹ جاری کی تھی۔
ای یو ڈس انفو لیب رپورٹ کے مطابق بھارتی نیٹ ورک 15 سال تک یورپی یونین اور اقوام متحدہ پر اثر اندازہ ہوتا رہا، جعلی خبروں ،جعلی این جی اوز کے نیٹ ورک کو دہلی سے سری وستوا گروپ کنٹرول کرتا تھا۔
سری وستوا گروپ کا ہدف عالمی سطح پر پاکستان کو تنہا کرنا تھا، بھارتی نیٹ ورک 750 جعلی مقامی میڈیا اور 10 مشکوک و پراسرار این جی اوز چلاتا رہا، بھارتی نیٹ ورک پاکستان مخالف مقاصد کے لیے مردہ این جی اوز کو یو این میں استعمال کرتا رہا۔
