فرمان الہی
نماز کے اوقات
سابق وزیراعظم شہید محترمہ بےنظیر بھٹو اور سابق صدر آصف زرداری کی چھوٹی صاحبزادی کہتی ہیں کہ پاکستان کے عوام پیپلز پارٹی کی قربانیاں رائیگاں نہیں جانے دیں گے۔
شہید محترمہ بےنظیر بھٹو کی 13ویں برسی کے موقع پر آصفہ بھٹو زرداری نے گزشتہ روز کے گڑھی خدا بخش کے مناظر کی تصویریں اپنے تصدیق شدہ ٹوئٹر اکاؤنٹ پر شیئر کی ہیں۔
آصفہ بھٹو زرداری نے ٹوئٹر پر تصویریں شیئر کرتے ہوئے کہا کہ ’گڑھی خدا بخش کا مقام اس بات کا گواہ ہے کہ اس ملک کے لوگوں نے جمہوریت کی خاطر قربانی دی۔‘
اُنہوں نے کہا کہ ’آج گڑھی خدا بخش میں لوگوں کا ہجوم اس بات کی تصدیق کرتا ہے کہ پاکستان کے عوام پیپلز پارٹی اور اس کی قیادت کی قربانیوں کو رائیگاں نہیں جانے دیں گے۔‘
آصفہ بھٹو نے مزید کہا کہ ’عوام کی مرضی ہمیشہ اعلیٰ ہی رہے گی۔‘
واضح رہے کہ گزشتہ روز شہید محترمہ بےنظیر بھٹو کی 13ویں برسی بڑے ہی عقیدت و احترام سے منائی گئی۔
پاکستان پیپلز پارٹی کے رہنماؤں اور کارکنان سمیت شہید محترمہ بےنظیر بھٹو کے دیگر چاہنے والوں نے بھی گڑھی خدا بخش پر حاضری دی اور اُنہیں یاد کرتے ہوئے خراجِ عقیدت پیش کیا۔
خیال رہے کہ محترمہ بےنظیر بھٹو 27 دسمبر 2007 میں راولپنڈی کے لیاقت باغ میں قاتلانہ حملے میں شہید ہو گئیں تھی۔
