میرے شوہر ریٹائرڈ پی اے ایف آفیسر اور فائٹر پائلٹ ہیں، نادیہ خان

حال ہی میں ایک بار پھر سے رشتۂ ازدواج میں منسلک ہونے والی پاکستان کی مقبول اور کامیاب میزبان و اداکارہ نادیہ خان نے اپنے شوہر کا تفصیلی تعارف کرواتے ہوئے بتایا کہ اُن کے شوہر ریٹائرڈ پی اے ایف آفیسر اور فائٹر پائلٹ ہیں۔

نادیہ خان نے اپنے تصدیق شدہ انسٹاگرام اکاؤنٹ پر اپنے شوہر فیصل ممتاز راؤ کے ہمراہ اپنی تصویر شیئر کی اور اُس کے ساتھ اپنے شوہر کے کیرئیر کے دنوں کی بھی یادیں تازہ کیں۔

اداکارہ و میزبان نے یہ تصویریں شیئر کرتے ہوئے ایک طویل کیپشن لکھا جس میں اُنہوں نے اپنے مداحوں سے اپنے شوہر کا تفصیلی تعارف کروایا۔

نادیہ خان نے کہا کہ ’میرے شوہر ونگ کمانڈر فیصل ممتاز راؤ ریٹائرڈ پی اے ایف آفیسر اور فائٹر پائلٹ ہیں جو 1970 میں لاہور میں پیدا ہوئے۔‘

یہ میری دوسری شادی ہے، نادیہ خان

ایک بار پھر سے رشتۂ ازدواج میں منسلک ہونے والی پاکستان کی مقبول اور کامیاب میزبان و اداکارہ نادیہ خان کہتی ہیں کہ یہ اُن کی تیسری نہیں بلکہ دوسری شادی ہے۔

اُنہوں نے کہا کہ ’فیصل نے 1991 میں جی ڈی پی کے 90ویں کورس میں کمیشن آفیسر کی حیثیت سے پاک فضائیہ میں شمولیت اختیار کی۔ وہ مشہور ترین اور ممتاز پائلٹ میں سے ایک کے طور پر جانا جاتا ہے۔‘

میزبان نے بتایا کہ ’اُن کے شوہر 18 سال تک خدمات انجام دینے کے بعد 2009 میں پاک فضائیہ سے ونگ کمانڈر کی حیثیت سے ریٹائر ہوئے اور متحدہ عرب امارات کی فضائیہ میں پہلے انسٹرکٹر پائلٹ اور پھر چیف آف سیفٹی کی حیثیت سے شامل ہوئے۔‘

نادیہ خان نے یہ بھی کہا کہ ’اُن کے شوہر فیصل میڈیا کے لیے نئے نہیں ہیں کیونکہ وہ ماضی میں آئی ایس پی آر کے ایک پراجیکٹ میں بطور سپاہی شامل ہوچکے ہیں۔‘

نادیہ خان ایک بار پھر رشتۂ ازدواج میں منسلک

پاکستان کی مقبول اور کامیاب میزبان و اداکارہ نادیہ خان ایک بار پھر رشتۂ ازدواج میں منسلک ہوگئیں۔

اُن کا کہنا تھا کہ ’فیصل ایک مشہور الیکٹرانک میڈیا صحافی اور سابق ڈائریکٹر نیوز اینڈ کرنٹ افیئر (پی ٹی وی) مرحوم ممتاز حامد راؤ کے بیٹے ہیں۔‘

میزبان نے بتایا کہ ’ممتاز حامد راؤ پاکستان ٹیلی ویژن کے بانیوں میں سے ایک تھے اور پی ٹی وی نیوز قائم کرنے والے پہلے صحافیوں میں سے ایک تھے۔ ان کا 2011 میں راولپنڈی میں انتقال ہوگیا تھا۔‘

نادیہ خان نے اپنے شوہر کے بیٹے سے متعلق بتایا کہ ’فیصل ممتاز کا بیٹا اس وقت میں امریکا میں انجینئرنگ کی تعلیم حاصل کررہا ہے۔‘

خیال رہے کہ نادیہ خان نے دو روز قبل ہی رشتۂ ازدواج میں منسلک ہوئی ہیں جس کی تصویریں اُنہوں نے اپنے انسٹاگرام پر شیئر کیں۔

نادیہ خان نے شوہر کیساتھ تصاویر شیئر کردیں

ایک بار پھر سے رشتۂ ازدواج میں منسلک ہونے والی پاکستان کی مقبول اور کامیاب میزبان و اداکارہ نادیہ خان نے سوشل میڈیا پر اپنے شوہر کے ہمراہ تصاویر شیئر کردیں۔

سوشل میڈیا پر یہ کہا جارہا ہے کہ نادیہ خان کی یہ تیسری شادی ہے جبکہ اداکارہ کا کہنا ہے کہ یہ اُن کی دوسری شادی ہے۔

واضح رہے کہ نادیہ خان پاکستان کی مقبول ترین میزبان ہیں اور اُس کے علاوہ اُنہوں نے جیو انٹرٹینمنٹ سمیت دیگر ٹی وی چینلز پر بھی متعدد ڈراموں میں اداکاری کی ہے۔

نادیہ خان اس سے قبل بھی شادی کے بندھن میں بندھ چکی ہیں اور اُن کے تین بچے ہیں، اُن کی بڑ ی بیٹی کا نام علیزے، بیٹے کا نام اذان اور سب سے چھوٹے بیٹےکا نام کیان ہے۔