آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیرِاعظم عمران خان کی وفاقی ملازمین کی تنخواہوں میں اضافے کی منظوری


وزیرِاعظم عمران خان نے وفاقی سرکاری ملازمین کی تنخواہوں میں اضافے کی منظوری دے دی۔

ذرائع کا کہنا ہے کہ وزیرِ اعظم عمران خان سے سرکاری ملازمین سے مذاکرات کرنے والی حکومتی کمیٹی کے ارکان نے ملاقات کی۔

وزیرِ اعظم عمران خان سے ملاقات کرنے والوں میں وفاقی وزیرِ داخلہ شیخ رشید، وزیرِ دفاع پرویز خٹک اور علی محمد خان شامل ہیں۔

ذرائع نے بتایا ہے کہ ملاقات میں وزارتِ خزانہ کے حکام نے وزیرِ اعظم عمران خان کو تنخواہوں میں اضافے سے قومی خزانے پر پڑنے والے بوجھ پر بریفنگ دی۔

وزیرِاعظم عمران خان کو سرکاری ملازمین سے طے ہونے والے فارمولے پر بھی بریفنگ دی گئی۔

ذرائع نے بتایا ہے کہ سرکاری ملازمین کی تنخواہوں میں اضافے کی منظوری اب کابینہ سے لی جائے گی۔


تنخواہوں میں اضافے کی منظوری کابینہ سے سرکولیشن سمری کے ذریعے لی جائے گی۔

کابینہ سے منظوری کے بعد تنخواہوں میں اضافے کا نوٹیفکیشن جاری کیا جائے گا۔

قومی خبریں سے مزید