ٹک ٹاکر کاشف ضمیر کیخلاف نوجوان کو اغواء کرنے کا مقدمہ درج

 

ترک اداکار انگین آلتان کو گزشتہ ماہ دسمبر میں پاکستان لانے والے ٹک ٹاکر کاشف ضمیر کے خلاف  نوجوان کو اغواء کرنے کی کوشش کے الزام میں مقدمہ درج کرلیا گیا ہے۔

 ترکش ڈرامہ ’ارطغل غازی‘ کے مرکزی کردار انگین آلتان کے ساتھ مبینہ فراڈ میں ملوث ملزم کاشف ضمیر نے حافظ آباد سے سوشل میڈیا ایکٹوسٹ عاقب اسرار کو اغواء کرنے کی کوشش کی۔

انگین آلتان کو پاکستان کون لایا؟

آج صبح لاہور پہنچنے والے شہرہ آفاق ترک ڈرامہ ’ارطغرل غازی‘ میں مرکزی کردار ادا کرنے والے ترکش اداکار انگین آلتان ٹک ٹاکر میاں کاشف ضمیر کے کہنے پر پاکستان آئے ہیں۔

عاقب اسرار نے حملے کی صورت میں چلتی کار سے چھلانگ لگادی، واقعہ کی سی سی ٹی وی فوٹیج بھی سامنے آگئی  ہے۔

  سوشل میڈیا ایکٹوسٹ عاقب اسرار کے اغواء اور کار سے چھلانگ لگانے کا واقعہ گزشتہ روز تھانہ صدر حافظ آباد کے علاقہ میں پیش آیا تھا۔

کار سے چھلانگ لگانے کے دوران نوجوان عاقب اسرار شدید زخمی ہو گیا جو ڈی ایچ کیو ہسپتال گوجرانوالہ میں زیر علاج ہے۔

انگین آلتان پاکستانی فلموں اور ڈراموں میں کام کرنے کے خواہشمند

شہرہ آفاق تُرک سیریز ’ارطغرل غازی‘ میں مسلمان...

پولیس نے ملزم کاشف ضمیر کے خلاف مقدمہ درج کر لیا ہے، سوشل میڈیا ایکٹوسٹ عاقب اسرار کے مطابق وہ ترکی میں رہائش پذیر ہے اس نے انگین آلتان کے ساتھ کاشف ضمیر کے فراڈ کو سوشل میڈیا پر بے نقاب کیا تھا۔

چند روز قبل وہ پاکستان واپس آیا تھا، علم ہونے پر کاشف ضمیر نے بدلہ لینے کیلیے اسے اغواء کرنے اور جان سے مارنے کی کوشش کی۔