فرمان الہی
نماز کے اوقات
وزیر داخلہ شیخ رشید نے 90 کی دہائی کی یادگار تصویر اپنے سوشل میڈیا اکاؤنٹ کی زینت بنائی ہے۔
شیخ رشید نے سوشل میڈیا سائٹ ٹوئٹر پر سابق چیئرمین سینیٹ وسیم سجاد، سابقہ وزیر اعظم معراج خالد اور صحافیوں کی ٹیم کے ہمراہ سرگودھا ایئر بیس پر ایف 16 طیارے میں گروپ فوٹو شیئر کیا۔
تصویر شیئر کرتے ہوئے شیخ رشید نے ’یادگارِ نوے کی دہائی‘ بھی لکھا۔
شیخ رشید کے اس ٹوئٹ کے شیئر کیے جانے کے بعد اُن کے میڈیا کورڈینیٹر شعیب امیر نے بھی 90 کی دہائی کی ایک تصویر شیئر کی جس میں وہ عدالت سے سزا سننے کے بعد خوشگوار موڈ میں گاڑی میں سوار ہورہے ہیں۔
ٹوئٹ میں بتایا گیا کہ’ 9 فروری 1995 کو مقامی عدالت سے سات سال قید بامشقت اور دو لاکھ روپے جرمانے کی سزا سننے کے بعد خوشگوار موڈ میں گاڑی میں بیٹھ کر جیل کی طرف روانہ ہوتے ہوئے۔‘
یاد رہے کہ وزیر داخلہ کا عہدہ سنبھالنے کے بعد شیخ رشید نے ٹوئٹر پر سب کو ان فالو کردیا تھا۔
وزیر داخلہ شیخ رشید صرف وزیراعظم عمران خان، پاکستان مسلح افواج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) کو فالو کر رہے ہیں۔
