میری نجی زندگی کے بارے میں سوالات کرنا بند کرو: عظیم خان کی اپیل

مقبول ترین اداکارہ صبا قمر کی جانب سے بلاگر عظیم خان سے شادی منسوخ کرنے کے بعد سوشل میڈیا صارفین کی جانب سے پوچھے گئے سوالات سے تنگ آکر عظیم خان نے اپنے خصوصی پیغام میں صارفین سے اپیل کردی۔

اس ضمن میں عظیم خان نے ایک مرتبہ سماجی رابطے کی ویب سائٹ انسٹاگرام کا رُخ کیا اور اسٹوری میں صارفین کے لیے خصوصی پیغام جاری کردیا۔

عظیم خان نے اپنی انسٹا اسٹوری میں صارفین سے اپیل کرتے ہوئے لکھا کہ ’براہِ کرم! میری نجی زندگی کے بارے میں سوالات کرنا بند کریں۔‘

اُنہوں نے لکھا کہ ’مہربانی کرکے اس واقعے کے بارے میں جاننے کے لیے مجھے فون کالز نہ کریں کیونکہ یہ میری نجی زندگی ہے۔‘

بلاگر نے لکھا کہ ’میں اس وقت سب سے تھوڑا دور رہنا چاہتا ہوں لہٰذا تھوڑا خیال کریں۔‘

مجھے عظیم پر بھروسہ ہے: صبا قمر

پاکستان شوبز انڈسٹری کی مقبول ترین اداکارہ صبا قمر بھی اپنے ہونے والے شوہر عظیم خان کا ساتھ دینے میدان میں آگئیں۔

عظیم خان نے مزید لکھا کہ ’اگر آپ واقعی اس مشکل وقت میں میری مدد کرنا چاہتے ہیں تو برائے مہربانی مجھے فون کالز اور میسجز نہ کریں۔‘

واضح رہے کہ گزشتہ روز صبا قمر نے انسٹا گرام پر ایک نوٹ شیئر کیا تھا جس میں انہوں نے اپنے عظیم خان سے شادی کے فیصلے کو واپس لینے کا اعلان کیا تھا۔

صبا قمر کی جانب سے اپنے مداحوں و فالوورز کو مخاطب کرتے ہوئے انسٹا اسٹوری اور پوسٹ میں کہا گیا تھا کہ وہ ایک اہم اعلان کرنا چاہتی ہیں، بہت سارے ذاتی معاملات کی بنا پر انہوں نے عظیم خان سے اپنی شادی منسوخ کر دی ہے، اب ہم شادی نہیں کر رہے ہیں۔

صبا قمر نے عظیم خان سے شادی کا فیصلہ واپس لے لیا

پاکستان شوبز انڈسٹری کی صف اول کی اداکارہ صبا قمر کی جانب سے سوشل میڈیا پر بلاگر اور انفلوئینسر عظیم خان سے شادی سے متعلق اہم اعلان کیا گیا ہے۔

انہوں نے مزید کہا تھا کہ وہ ایک اور اہم بات واضح کرنا چاہتی ہیں کہ وہ آج تک اپنی زندگی میں کبھی عظیم خان سے نہیں ملی ہیں، اُن کا اور عظیم خان کا رابطہ صرف فون پر تھا۔

خیال رہے کہ رہے کہ اداکارہ صبا قمر کی جانب سے عظیم خان سے شادی کی خبروں کی تصدیق کے بعد اُن کی ایک مداح نے انسٹاگرام اسٹوریز کے ذریعے صبا قمر کے ہونے والے شوہر عظیم خان پر زیادتی اور قتل کی دھمکیوں کے الزامات عائد کیے تھے۔

صبا قمر کے فیصلے پر عظیم خان کا رد عمل

شوبز انڈسٹری کی منجھی ہوئی اداکارہ صبا قمر کی جانب سے بلاگر و انفلوئینسر عظیم خان سے شادی منسوخ کر دی گئی ہے جس پر عظیم خان کی جانب سے بھی رد عمل سامنے آ گیا ہے۔

اس حوالے سے عظیم خان نے ایک ویڈیو پیغام جاری کیا تھا جس میں اُنہوں نے اپنی ویڈیو میں الزامات لگانے والوں کو برساتی کیڑوں سے تشبیہ دیتے ہوئے کہا تھا کہ قانون کی موجودگی کے باوجود بغیر کسی ثبوت کے انٹر نیٹ پر تماشا نہ لگائیں، اگر یہ الزامات سچ ہیں تو میرے خلاف قانونی چارہ جوئی کریں تا کہ میں اس کا جواب دے سکوں۔

عظیم خان کے اس ویڈیو پیغام پر صبا قمر کی جانب سے اُن پر بھروسے کا اظہار کرتے ہوئے کہا گیا تھا کہ ’مجھے تُم پر بھروسہ ہے۔‘