• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سربراہ براڈ شیٹ کا عظمت سعید سے 7 روز میں معافی مانگنے کا مطالبہ

تازہ ترین
قومی خبریں
03 اپریل ، 2021


برطانوی کمپنی براڈشیٹ کے سربراہ کاوے موسوی نے پاکستان میں براڈ شیٹ کمیشن کی انکوائری رپورٹ مسترد کردی ہے، ان کا کہنا ہے کہ جسٹس (ر) عظمت سعید نے رپورٹ میں مجھےسزا یافتہ قراردیا، جسٹس (ر) عظمت 7 دن میں معافی مانگیں ورنہ قانونی کارروائی شروع کروں گا۔

کاوے موسوی نے اپنے بیان میں کہا کہ جسٹس (ر) عظمت نے معافی نہ مانگی تو لندن ہائی کورٹ میں ان کے خلاف کارروائی ہوگی، سول توہین سے کریمنل ریکارڈ نہیں بنتا۔

یہ بھی پڑھیے


انہوں نے کہا کہ  وفاقی وزیر علی زیدی رابطے میں تھے، علی زیدی نے کمیشن کے مجھ سے رابطہ کرنے، منصفانہ تحقیقات کا یقین دلایا تھا، علی زیدی نے عدالتی احکامات پر عمل درآمد کی یقین دہانی کروائی تھی۔

موسوی نے کہا کہ  میں نے احمقانہ طور پر تصورکیا تھا کہ عمران خان کی حکومت مختلف ہے، خیال تھا کہ عمران خان کی حکومت کرپشن کے خلاف سنجیدہ ہے۔

سربراہ براڈ شیٹ نے کہا کہ عمران خان اس انکوائری پر یقین کرتے ہیں تو انہیں وزیراعظم کے عہدے پر رہنے کا حق نہیں،  نیب کا حصہ رہنے والے شخص سے انکوائری کروانا ہی غلط تھا۔


تازہ ترین