آپ آف لائن ہیں
جمعہ10؍رمضان المبارک 1442ھ 23؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حکومت سے PP کی ڈیل نہیں ہوئی: سلیم مانڈوی والا

سابق چیئرمین سینیٹ اور پاکستان پیپلز پارٹی کے رہنما سلیم مانڈوی والا کا کہنا ہے کہ حکومت سے پیپلز پارٹی یا کسی پارٹی کی ڈیل نہیں ہوئی۔

سینیٹر سلیم مانڈی والا نے احتساب عدالت اسلام آباد کے باہر میڈیا سے گفتگو کرتے ہوئے کہا کہ پیپلز پارٹی کی ڈیل کا غلط تاثر دیا جا رہا ہے، کوئی ڈیل نہیں ہوئی۔

انہوں نے کہا کہ اپوزیشن اتحاد پاکستان ڈیموکریٹک موومنٹ (پی ڈی ایم) کے ختم ہونے کا بھی غلط تاثر دیا جا رہا ہے۔

سلیم مانڈوی والا کا کہنا ہے کہ پارٹیاں ایک پیج پر نہ ہوں تویہ مطلب نہیں کہ پی ڈی ایم ختم ہو گئی، اپوزیشن نے پارلیمانی روایات کے مطابق طے کیا ہے کہ مل کر چلیں گے۔

انہوں نے کہا کہ مسلم لیگ نون کے ساتھ کچھ نہیں کیا، پارلیمنٹ کی سرگرمی ہے، ہم نے تمام اپوزیشن پارٹیوں کے ساتھ میٹنگ کی ہے۔


پیپلز پارٹی کے سینیٹر کا مزید کہنا ہے کہ سینیٹ کے اندر تمام پارٹیاں ایک صفحے پر ہوں گی، اپوزیشن سینیٹ کے اندر متحد ہو گی۔

سلیم مانڈوی والا نے یہ بھی کہا کہ پی ڈی ایم ختم نہیں ہوئی، اپوزیشن ختم نہیں ہو گی، چیئرمین سینیٹ کے الیکشن کے خلاف انٹرا کورٹ اپیل آج دائر کی گئی ہے۔

قومی خبریں سے مزید