جی جی حدید نے بیٹی کی جھلک جاری کردی

فلسطینی نژاد امریکی ماڈل جی جی حدید اپنی بیٹی کائی کے لیے ایک بار پھر سے جذباتی ہوگئیں اور سوشل میڈیا پر بیٹی کی کچھ تصاویر بھی شیئر کی ہیں۔

سپر ماڈل نے اپنے انسٹاگرام اکاؤنٹ پر اپنی بیٹی کائی کو دنیا میں آئے سات ماہ مکمل ہونے پر کچھ نئی تصاویر شئیر کی ہیں۔ ان تصاویر میں ننھی سی بچی کو اپنے جوتوں سے کھیلتے ہوئے دیکھا جاسکتا ہے۔

جی جی نے اپنی خوشی کا اظہار کرتے ہوئےلکھا کہ ’مجھے یقین نہیں ہورہا کہ میری بیٹی اس ہفتے سات ماہ کی ہوگئی ہے۔‘

خیال رہے کہ پاکستانی نژاد برطانوی گلوکار زین ملک اور جی جی حدید کے ہاں گزشتہ سال 24 ستمبر کو بیٹی کی پیدائش ہوئی تھی۔

جیجی حدید اور زین ملک کے ہاں بیٹی کی پیدائش

پاکستانی نژاد برطانوی گلوکار زین ملک اور فلسطینی نژاد امریکی سپر ماڈل جیجی حدید کے ہاں بیٹی کی پیدائش ہوئی ہے۔

زین ملک نے بیٹی کی پیدائش کی اطلاع مداحوں کو ایک سوشل میڈیا پیغام کے ذریعے دی تھی، زین ملک نے بیٹی کا ہاتھ اپنے ہاتھ میں تھامے ایک تصویر شیئر کی تھی اور ساتھ ایک جذباتی پیغام بھی لکھا تھا۔

انہوں نے اپنے ٹوئٹ میں لکھا تھا کہ ’میری بیٹی ہمارے ہاتھوں میں ہے جو خوبصورت اور صحتمند ہے، اپنے موجودہ احساسات کو الفاظ میں ڈھالنا ایک مشکل بلکہ ایک ناممکن کام ہوگا۔‘