• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عفت عمر نے اپنی اصل عمر بتا کر سب کو حیران کردیا

اداکارہ عفت عمر نے انسٹاگرام پر ایک مداح کے پیار بھرے پیغام کے جواب میں تصحیح کرتے ہوئے بتایا کہ ان کی عمر 49 برس ہے جسے سب نے حیران کردیا ہے۔

عفت عمر نے انسٹاگرام پر اپنی دلکش تصویر شیئر کی، جس کےجواب میں ایک مداح نے طویل پیغام میں انہیں سراہا اور ان کے حُسن کی تعریف کرتے ہوئے کہا کہ عفت 40 برس کی ہوجانے کے باوجود بالکل جوان دکھتی ہیں۔

مداح نے لکھا کہ یہ اس وجہ سے ہے کہ وہ بہت مہربان اور نرم دل ہیں، ان کی جلد بالکل بچوں جیسی ہے، سب ان سے نفرت کرتے ہیں لیکن مجھے عفت بہت پسند ہیں۔

مداح کے طویل کمنٹ پر عفت عمر نے جواب دیتے ہوئے بتایا کہ ان کی عمر 40 نہیں بلکہ  49  برس ہے اور وہ اسے انجوائے بھی کررہی ہیں۔

اداکارہ کے اپنی عمر کے حوالے سے اس انکشاف پر سوشل میڈیا صارفین انہیں سراہ رہے ہیں کہ گوگل پر ان کی عمر 40 برس بتائی جاتی ہے لیکن انہوں نے  اپنی اصل عمر بتائی ہے۔

ایک اور کمنٹ میں عفت نے لکھا کہ بوڑھا ہونا کوئی برائی نہیں ہے، نا ہی تصویر کھینچنا۔

اداکارہ نے تنقید کرنے والے مداح کی کلاس لیتے ہوئے کہا کہ براہِ کرم وہ اپنی تنقید کو مفید بنائیں۔

انٹرٹینمنٹ سے مزید