• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آپ قوم کے اصل ہیرو ہیں، انوشکا کا طبی عملے کو خراج تحسین

ممبئی (مانیٹرنگ ڈیسک)بھارت میں مسلسل پانچویں روز کورونا کے 4 لاکھ سے زیادہ نئے مریض سامنے آئے ہیں جب کہ مسلسل دوسرے روز 4 ہزار سے زیادہ افراد جان کی بازی ہارچکے ہیں۔وبا کی بدترین صورت حال کے باعث بھارت میں آکسیجن اور دیگر طبی آلات کی شدید قلت ہے اور ڈاکٹروں اور دیگر طبی عملے پر شدید دباؤ ہے، ایسے میں شوبز اور کھیل سے تعلق رکھنے والی اہم بھارتی شخصیات کی جانب سے طبی عملے کو خراج تحسین پیش کیا جارہا ہے۔ بولی وڈ اداکارہ اور بھارتی کرکٹ ٹیم کے کپتان ویرات کوہلی کی اہلیہ انوشکا شرما نے بھی ٹوئٹر پر طبی عملے کو ان کی خدمات پر خراج تحسین پیش کیا ہے اور ان کا شکریہ ادا کیا ہے۔اپنی پوسٹ میں انوشکا کا کہنا تھا کہ ہم اپنی صحت کا خیال کرنے والے اور کورونا کے خلاف جنگ میں فرنٹ لائن پر موجود طبی عملے کا شکریہ ادا کرتے ہیں ، آپ لوگوں کی لگن بہت ہی متاثر کن ہے، آپ قوم کے لیے اپنی جانوں کو خطرے میں ڈال رہے ہیں۔انوشکا کا مزید کہنا تھا کہ آپ لوگ میرے، ویرات کے اور پوری قوم کے اصل ہیرو ہیں، ایک بار پھر آپ لوگوں کا شکریہ۔

دل لگی سے مزید