نیوکراچی: ہوٹلوں، ریسٹورنٹس میں SOPs کی کھلی خلاف ورزی

نیو کراچی کے مختلف علاقوں میں رات گئے ہوٹلوں، ریسٹورنٹس میں ایس او پیز کی کھلی خلاف ورزی جاری رہی۔

علاقے میں لوگ 8 بجے کے بعد گھروں میں رہنے کے فیصلے کی خلاف ورزی کرتے ہوئے بغیر ماسک کے گھومتے رہے۔

نیو کراچی میں رات 12 بجے کے بعد بھی مختلف ہوٹلوں پر ٹیک اوے جاری رہا، ریسٹورنٹس، چائے کے ہوٹلوں، ٹھیلوں پر لوگوں کا ڈائن ان جاری رہا۔

کراچی: عوام کے غیر ضروری گھومنے پر کل سے پابندی عائد، وزیر اعلیٰ سندھ

وزیراعلیٰ مراد علی شاہ کا کہنا ہے کہ کل سے رات 8 بجے کے بعد لوگوں کو غیرضروری گھومنے کی اجازت نہیں ہوگی، آئی جی سندھ کو گاڑیوں میں گھومنے والوں کو روکنے کی ہدایت کردی گئی۔

یوپی موڑ کے قریب فاسٹ فوڈ ریسٹورنٹ بھی کھلے رہے، سرسید پولیس گشت کے دوران بھی یوپی موڑ پر کھلے ہوئے فاسٹ فوڈ ریسٹورنٹس بند نہیں کرا سکی۔

یوپی موڑ کے قریب تمام ریسٹورنٹ رات 12 بجے بند کرا کر 2، 3 من پسند فاسٹ فوڈ ریسٹورنٹ کو رات 12 بجے کے بعد بھی ٹیک اوے کی اجازت دی گئی۔

نیو کراچی سندھی ہوٹل کے علاقے میں بھی ایس او پیز کی خلاف ورزی جاری رہی، علاقے میں لوگ لاک ڈاؤن کی خلاف ورزی کرتے ہوئے رات دیر تک بغیر ماسک کے گھومتے رہے۔

نیو کراچی میں SOPs کی خلاف ورزی، رات گئے تک خریداری

نیو کراچی کے علاقے گودھرا میں ایس او پیز کی کھلم کھلا خلاف ورزی کی گئی، رات گئے تک تنگ گلیوں میں دکانیں کھلی رہیں، سیکڑوں لوگ عید کی خریداری میں مصروف رہے، جبکہ شہر کے مختلف علاقوں میں ایس او پیز پر عمل درآمد کیا جا رہا ہے۔

علاقہ پولیس اور ضلعی انتظامیہ ایس او پیز اور لاک ڈاؤن پر عمل در آمد یقینی بنانے میں مکمل ناکام نظر آئی۔