شاداب اور حسن علی نے مداحوں کو اسکول یاد دلا دیا

قومی کرکٹ ٹیم کے فاسٹ بولر حسن علی اور شاداب خان نے علامہ اقبال کی بچوں کے لیے لکھی مشہور نظم ’لب پہ آتی‘ پڑھ کر مداحوں کو اسکول کے دن یاد دلا دیے۔

گزشتہ روز شاداب خان نے اپنے تصدیق شدہ ٹک ٹاک اکاؤنٹ پر ایک دلچسپ ویڈیو شیئر کی جس میں وہ پاکستان سُپر لیگ کے چھٹے ایڈیشن کا میچ کھیلنے کے بعد اپنی ٹیم کے ہمراہ ہوٹل واپس جارہے ہیں۔

ٹک ٹاک پر شیئر کی گئی ویڈیو میں اسلام آباد یونائیٹڈ کی ٹیم بس میں موجود ہے جہاں شاداب اپنی سُریلی آواز سے کھلاڑیوں کو تفریح فراہم کررہے ہیں۔

دورۂ جنوبی افریقا ٹریننگ کیمپ: شاداب کو حسن علی کی یاد ستانے لگی

قومی کرکٹ ٹیم کے آل راؤنڈر شاداب خان نے کہا ہے کہ وہ دورہ جنوبی افریقا کیلئے جاری ٹریننگ کیمپ میں اپنے ساتھی کھلاڑی اور دوست حسن علی کو بہت یاد کررہے ہیں۔

ویڈیو میں دیکھا جاسکتا ہے کہ شاداب خان مائیک میں ’لبِ پہ آتی ہے دُعا‘ پڑھتے ہیں اور اُن کا انداز بالکل وہی ہوتا ہے جیسے اسکول میں طلبہ پڑھتے ہیں۔

شاداب خان کو ’لبِ پہ آتی ہے دُعا‘ پڑھتا دیکھ کر حسن علی بھی پیچھے نہ رہے اور وہ بھی اسکول کی یادیں تازہ کرنے اپنے دوست کے ساتھ مائیک میں دُعا پڑھنے لگے۔

اسلام آباد یونائیٹڈ نے پلے آف کے لیے کوالیفائی کرلیا

اسلام آباد یونائیٹڈ 8 میچز میں 12 پوائنٹس حاصل کر کے پہلی پوزیشن پر ہے

قومی کرکٹرز کی یہ ویڈیو دیکھنے کے بعد ٹک ٹاک صارفین کا کہنا ہے کہ اُنہیں اپنے اسکول کا زمانہ یاد آگیا ہے۔

ایک صارف نے لکھا کہ ’جب ہم اسکول میں تھے تو اُس وقت اسپیکر پر ایسے ہی یہ دُعا پڑھتے تھے۔‘

ٹک ٹاک صارف نے جذباتی ہوتے ہوئے لکھا کہ ’حسن عل اور شاداب خان نے اسکول یاد دلا دیا۔‘

عبداللّہ نامی صارف نے قہقہے لگاتے ہوئے لکھا کہ ‘اسکول میں اکثر ایسے ہی ہوتا تھا۔‘

آفاق نامی صارف نے لکھا کہ ’اب سے شاداب خان میرے فیورٹ گلوکار ہیں۔‘

دانیال نامی صارف نے کہا کہ ’اب یہ ویڈیو میم میں تبدیل ہوجائے گی۔‘

واضح رہے کہ پاکستان سپر لیگ 6 کے دلچسپ مقابلے جاری ہیں۔ اسلام آباد یونائیٹڈ نے پلے آف کے لیے کوالیفائی کرلیا۔

اسلام آباد یونائیٹڈ 8 میچز میں 12 پوائنٹس حاصل کر کے پہلی پوزیشن پر ہے جبکہ پوائنٹس ٹیبل پر پشاور زلمی دوسرے اور لاہور قلندرز تیسرے نمبر پر ہے۔ان دونوں نے بھی 8، 8 میچز کھیل لئے اور دونوں کے 10، 10 پوائنٹس ہیں۔