بھارتی کورونا 11 ملکوں تک پھیل گیا: WHO

عالمی ادارہ صحت (ڈبلیو ایچ او) نے خبردار کیا ہے کہ کورونا وائرس کی بھارتی قسم ڈیلٹا ویری انٹ دنیا کے 11 ملکوں تک پھیل چکی ہے۔

عالمی ادارہ صحت کے مطابق 11 ملکوں میں ڈیلٹا ویری انٹ کے کیسز 2 ہفتوں کے دوران رپورٹ ہوئے ہیں، اس وائرس کے پھیلاؤ کا یہی رجحان رہا تو ڈیلٹا ویری انٹ دنیا بھر کے کورونا کیسز میں اکثریت حاصل کر لے گا۔

پاکستان: کورونا وائرس سے مزید 38 اموات، کل ہلاکتیں 22108

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 1 ہزار 97 کیسز سامنے آئے ہیں، مزید 38 افراد اس موذی وباء کے سامنے زندگی کی بازی ہار گئے، مزید 1 ہزار 131 مریض شفایاب ہو گئے، جبکہ مثبت کیسز کی شرح 2 اعشاریہ 3 فیصد رہی۔

غیر ملکی خبر ایجنسی کے مطابق چین کے شہر شین زین میں رپورٹ ہونے والے 4 کورونا کیسز بھی ڈیلٹا ویری انٹ کے نکلے۔

سڈنی میں کورونا کی بھارتی قسم کا پھیلاؤ ریاست نیو ساؤتھ ویلز میں سامنے آیا ہے جہاں 11 کیسز رپورٹ ہوئے، نیو ساؤتھ ویلز کے وزیر بھی کورونا میں مبتلا ہو گئے۔

دنیا: کورونا کیسز 18 کروڑ، اموات 39 لاکھ سے متجاوز

دنیا بھر میں کورونا وائرس سے متاثرہ افراد کی تعداد 18 کروڑ 3 لاکھ 72 ہزار 985 تک جا پہنچی ہے جبکہ اس موذی وائرس سے اموات 39 لاکھ 7 ہزار 661 ہو گئیں۔

اس صورتِ حال کے بعد آسٹریلوی پارلیمنٹ نے الرٹ جاری کر دیا ہے، مغربی آسٹریلیا نے نیو ساؤتھ ویلز کے ساتھ اپنی سرحد بند کر دی ہے۔

فرانس میں رپورٹ ہونے والے کورو ناکیسز میں سے 9 سے 10 فیصد ڈیلٹا ویری انٹ کے ہیں۔