بلاول بھٹو کی اراکین اسمبلی کے اعزاز میں ناشتے کی اندرونی کہانی سامنے آگئی

بلاول بھٹو کی جانب سے پی پی اراکین اسمبلی کے اعزاز میں ناشتے کی اندرونی کہانی سامنے آگئی۔

ذرائع کا کہنا ہے کہ بلاول بھٹو نے پی پی اراکین اسمبلی کو بجٹ سیشن کے حوالے سے لائحہ عمل سے آگاہ کیا اور اراکین اسمبلی کو ہدایت کی کہ بجٹ سیشن میں حکومت کو ٹف ٹائم دیا جائے۔

بجٹ سے سب خوش ہوں گے، وزیراعظم عمران خان

وزیراعظم عمران خان کا بجٹ کے حوالے سے کہنا ہے کہ آج سب بجٹ سے خوش ہوں گے۔

بلاول بھٹو نے یہ ہدایت بھی کی کہ اراکین اسمبلی اجلاس کے دوران بجٹ کے عوام دشمن نکات اجاگر کریں۔

اس موقع پر پی پی اراکین نے کہا کہ بجٹ سیشن کے دوران قائدحزب اختلاف ایوان سے غائب رہے۔

عوام دشمن بجٹ کی پارلیمان سے منظوری کو ناکام بنائیں گے، بلاول بھٹو زرداری

پاکستان پیپلزپارٹی کے چیئرمین بلاول بھٹو زرداری کا کہنا ہے کہ عوام دشمن بجٹ کی پارلیمان سے منظوری کو ناکام بنائیں گے۔

ذرائع کے مطابق پی پی اراکین نے کہا کہ بجٹ منظوری کے موقع پر اپوزیشن لیڈر کی ایوان میں غیرموجودگی اپوزیشن کیلئے نقصان دہ ہوگی۔