• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سائنو فارم کی مزید 7 لاکھ خوراکیں پاکستان پہنچ گئیں

کورونا وائرس کی سائنو فارم ویکسین کی 7 لاکھ خوراکوں پر مشتمل کھیپ پاکستان پہنچا دی گئی ہے، یہ بات وزراتِ صحت کے حکام نے بتائی ہے۔

وزارتِ صحت کے حکام کے مطابق سائنو فارم کی 6 لاکھ خوراکوں کی تیسری کھیپ بھی آج پاکستان پہنچائی جا رہی ہے۔

انہوں نے بتایا کہ سائنو فارم ویکسین کی مجموعی طور پر 20 لاکھ خوراکیں پاکستان لائی جا رہی ہیں۔

وزارتِ صحت کے حکام نے بتایا کہ 20 لاکھ سائنو فارم ویکسین کی خوراکیں 3 پروازوں سے لائی جا رہی ہیں۔

ان کا مزید کہنا ہے کہ 20 لاکھ میں سے 14 لاکھ سائنوفارم کی ڈوز پاکستان لائی جا چکی ہیں۔

وزارتِ صحت کے حکام کا یہ بھی کہنا ہے کہ گزشتہ روز بھی سائنو فارم ویکسین کی 7 لاکھ خوراکیں پاکستان پہنچائی گئی تھیں۔

قومی خبریں سے مزید