راج کندرا کی گرفتاری، اسی لیے میں بالی ووڈ انڈسٹری کو گٹر کہتی تھی، کنگنا رناوت

بالی ووڈ کی متنازع بیانات جاری کرنے کے حوالے سے معروف اداکارہ کنگنا رناوت نے اداکارہ شلپا شیٹھی کے شوہر راج کندرا کی گرفتاری کے حوالے سے ایک پوسٹ شیئر کی ہے۔

واضح رہے کہ راج کندرا کو، جو پیشے کے اعتبار سے تاجر ہیں انھیں پیر کی رات ممبئی پولیس نے غیراخلاقی فلموں کی پروڈکشن اور ان کی ایپس پر اسٹریمنگ کے کیس میں حراست میں لے لیا ہے۔

راکھی ساونت راج کندرا اور شلپا شیٹھی کے حق میں بول پڑیں

انسٹاگرام پر راکھی کی ویڈیو گردش کر رہی ہے جس میں وہ یہ کہتی ہوئی دکھائی دے رہی ہیں کہ یہ سب کچھ شلپا شیٹی کو بدنام کرنے کے لیے کیا جارہا ہے۔

کنگنا نے اپنی انسٹاگرام اسٹوریز پر راج کندرا کی گرفتاری کے حوالے سے کہا کہ اسی وجہ سے وہ فلم انڈسٹری کو گٹر کہتی رہی ہیں۔

انھوں نے کہا کہ ہر چمکنے والی چیز سونا نہیں ہوتی، میں اپنی آئندہ آنے والی پروڈکشن جسے ’تیکو ویڈز شیرو‘ کا نام دیا گیا ہے اس میں بالی ووڈ کے اندر چھپے ہوئے لوگوں کو بے نقاب کروں گی۔

غیر اخلاقی فلم بنانے کے الزام میں شلپا کے شوہر راج کندرا گرفتار

میڈیا رپورٹس کے مطابق کرائم برانچ نے راج کندرا کو اس کیس سے متعلق پوچھ گچھ کے لیے طلب کیا تھا۔

انھوں نے کہا کہ ہمیں تخلیقی انڈسٹری کے اندر مضبوط اقدار اور ضمیر  کی ضرورت ہے، اور یقیناً اس میں کردار کی بڑی اہمیت ہے۔