• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ: 2 ہفتے لاک ڈاؤن، ٹرانسپورٹ پر پابندی کی تجویز

کراچی سمیت سندھ بھر میں کورونا وائرس کے کیسز کا پھیلاؤ جاری ہے، جس کی وجہ سے طبی ماہرین نے 2 ہفتے کے لاک ڈاؤن اور انٹر سٹی اور انٹرا سٹی ٹرانسپورٹ پر پابندی کی تجویز دی ہے۔

ذرائع کے مطابق کورونا وائرس کی صورتِ حال کے حوالے سے صوبائی ٹاسک فورس کا اجلاس آج وزیرِ اعلیٰ ہاؤس کراچی میں ہو گا، جس کی صدارت وزیرِ اعلیٰ سندھ مراد علی شاہ کریں گے۔

ذرائع نے بتایا ہے کہ کورونا ٹاسک فورس کے اجلاس میں پہلی بار سندھ اسمبلی میں سیاسی جماعتوں کے پارلیمانی لیڈرز کو بھی بلایا گیا ہے۔

ذرائع کا کہنا ہے کہ اجلاس میں صوبائی وزراء، طبی ماہرین اور پی ایم اے کے نمائندے شریک ہوں گے، جبکہ ڈی جی رینجرز سندھ کو بھی مدعو کیا گیا ہے۔

ذرائع کے مطابق کورونا ٹاسک فورس کے اجلاس میں سخت فیصلے متوقع ہیں، محکمۂ صحت نے ٹاسک فورس کو 2 ہفتے کے لاک ڈاؤن کی تجویز دی ہے۔

طبی ماہرین نے تجویز دی ہے کہ انٹر سٹی اور انٹرا سٹی ٹرانسپورٹ پر بھی 2 ہفتے کی پابندی لگائی جائے۔

طبی ماہرین کا یہ بھی کہنا ہے کہ تمام تعلیمی ادارے اور تعلیمی سرگرمیاں بھی 2 ہفتے کیلئے بند کر دی جائیں۔

قومی خبریں سے مزید