-
فرمان الہی
-
نماز کے اوقات
- ہفتہ 11؍شوال المکرم 1445ھ20؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان شوبز انڈسٹری کی معروف اداکارہ، ماڈل اور میزبان فضا علی شوٹنگ کے دوران مٹی کے ٹیلے سے گِر کر زخمی ہوگئیں جس کی ویڈیو سوشل میڈیا پر وائرل ہوگئی ہے۔
گزشتہ روز سوشل میڈیا پر فضا علی کی ایک ویڈیو وائرل ہورہی ہے جس میں وہ گلوکار ملکو کے ہمراہ ایک خوبصورت پتھریلے علاقے میں گانے کی شوٹنگ کر رہی ہیں۔
ویڈیو میں دیکھا جاسکتا ہے کہ شوٹنگ کے دوران اچانک فضا علی مٹی کے ٹیلے سے نیچے گِرجاتی ہیں جس کے بعد وہاں موجود عملہ فوری طور پر اُن کی مدد کرنے لگا۔
عملے کے افراد فوراََ فضا علی کو پانی پلاتے ہیں اور اُنہیں سہارا دے کر اُٹھانے کی کوشش کرتے ہیں لیکن اداکارہ مسلسل کراہ رہی ہوتی ہیں۔
ویڈیو میں سُنا جاسکتا ہے کہ فضا علی مسلسل یہی کہہ رہی ہیں کہ ’میرا سر پھٹ گیا‘، ’میرا سر پھٹ گیا‘ اور جب عملے کی خاتون اُنہیں اُٹھانے کی کوشش کرتی ہیں تو وہ کراہتے ہوئے دوبارہ سے زمین پر گِر جاتی ہیں۔
دوسری جانب میڈیا رپورٹس میں بتایا جارہا ہے کہ فضا علی اور گلوکار ملکو اپنے نئے گانے کے لیے قصور کے نواحی علاقے میں شوٹنگ کر رہے تھے۔
