شاہد خاقان کے وکیل کی نیب کے گواہ پر جرح مکمل

اسلام آباد کی احتساب عدالت میں ایل این جی ریفرنس کی سماعت کے دوران مسلم لیگ نون کے رہنما اور سابق وزیرِ اعظم شاہد خاقان عباسی کے وکیل بیرسٹر ظفر اللّٰہ نے نیب کے گواہ پر جرح مکمل کر لی۔

احتساب عدالت اسلام آباد کے جج اعظم خان نے ایل این جی ریفرنس پر سماعت کی، سابق وزیرِ اعظم شاہد خاقان عباسی عدالت کے روبرو پیش ہوئے۔

1 دن یہ حقائق سامنے آئینگے کہ نیب کیوں خاموش تھا؟ شاہد خاقان عباسی

مسلم لیگ نون کے رہنما و سابق وزیرِ اعظم شاہد خاقان عباسی کا کہنا ہے کہ ایک دن یہ حقائق سامنے آئیں گے کہ نیب کیوں خاموش تھا؟

وقفۂ سماعت کے بعد نیب کے گواہ سوئی سدرن گیس کمپنی کے افسر فرحان عمر کے بیان پر بیرسٹر ظفر اللّٰہ نے جرح کی۔

نیب کے گواہ نے عدالت کو بتایا کہ شاہد خاقان عباسی سوئی سدرن کے بورڈ آف ڈائریکٹرز میں شامل نہیں تھے، نیب کو پیش کردہ چارٹ میرا تیار کردہ نہیں۔

شاہد خاقان کیخلاف LNG ریفرنس، سماعت میں وقفہ

اسلام آباد کی احتساب عدالت نے مسلم لیگ نون کے رہنما اور سابق وزیرِ اعظم شاہد خاقان عباسی اور دیگر کے خلاف ایل این جی ریفرنس کی سماعت میں وقفہ کر دیا۔

شاہد خاقان عباسی کے وکیل بیرسٹر ظفر اللّٰہ کی جرح مکمل ہونے پر عدالت نے سماعت 21 ستمبر تک ملتوی کر دی۔

آئندہ سماعت پر دیگر شریک ملزمان کے وکلاء گواہ پر جرح کریں گے۔