نابینا پاکستانی سفارتکار صائمہ سلیم کے چرچے

 اقوام متحدہ میں پاکستان کے مستقل مشن کی رکن، پاکستانی سفارتکار صائمہ سلیم نے انتہائی ٹھوس انداز میں کشمیر کا کیس پیش کیا جس کے چرچے سوشل میڈیا پر ہر جانب پھیلے ہوئے ہیں۔

اقوام متحدہ میں پاکستان کی طرف سے جواب کا حق استعمال کرتے ہوئے تقریر میں صائمہ سلیم نے کہا کہ دنیا مقبوضہ کشمیر میں بھارتی مظالم کا نوٹس لے۔ بھارت کے پاس چھپانے کے لیے اگر کچھ نہیں تو اسے مقبوضہ کشمیر کیلیے اقوام متحدہ کی انکوائری قبول کرنی چاہیے۔

پاکستان کی نابینا طالبہ آکسفورڈ کی اسکالرشپ کیلئے منتخب

پاکستانی سے تعلق رکھنے والی نابینا طالبہ خانسہ ماریہ کو آکسفورڈ یونیورسٹی کی اسکالرشپ کیلئے منتخب کرلیا گیا ہے۔

صائمہ سلیم نے یہ بھی کہا کہ جموں کشمیر نہ بھارت کا اٹوٹ انگ ہے، نہ ہی اُس کا اندرونی معاملہ۔ جموں کشمیر عالمی طور پر تسلیم شدہ تنازع ہے، جس کا حل اقوام متحدہ کی قراردادوں کے مطابق نکلنا چاہیے۔

وفاقی وزیر اطلاعات و نشریات فواد چوہدری نے بھی صائمہ کی پزیرائی میں ایک ٹوئٹ کیا۔

صائمہ سلیم، دنیا کی نظروں میں نابینا ہیں پر دل کی آنکھ سے مظلوموں کے دکھ ناصرف دیکھ سکتی ہیں، بلکہ اُن کیلئے آواز بلند کرنے کا حوصلہ بھی رکھتی ہیں۔

صائمہ سلیم نے ابتدائی تعلیم نابیناؤں کے اسکول ’ عزیز جہانگیر بیگم ٹرسٹ‘ سے حاصل کی۔ ان کے بھائی یوسف سلیم پاکستان کے پہلے نابینا جج ہیں۔

پاکستان کے پہلے نابینا جج دولہا بن گئے

پاکستان کے پہلے اور واحد نابینا جج یوسف سلیم دولہا...

صائمہ نے کنیئرڈ کالج لاہور اور پھر جارج ٹاؤن یونیورسٹی واشنگٹن سے اعلیٰ تعلیم حاصل کی۔

بصارت سے محروم خیبرپختونخوا کی پہلی خاتون آر جے

مردان کے علاقے شیر گڑھ سے تعلق رکھنے والی ریحانہ گل...

سی ایس ایس کے امتحان میں چھٹی پوزیشن حاصل کر کے صائمہ نے فارن سروس میں شمولیت اختیار کی۔ وہ مصنفہ بھی ہیں، اور جموں کشمیر کے تنازع پر کتاب لکھ چکی ہیں۔