بھارتی ریاست آندھرا پردیش سے تعلق رکھنے والے ایک خاندان نے داماد کی آؤ بھگت کی نئی مثال قائم کر دی۔
بھارتی میڈیا رپورٹس کے مطابق آندھرا پردیش ریاست کے باسیوں کی جانب سے ’سنکرنتی‘ نامی تہوار ہر سال بڑے جوش و جذبے سے منایا جاتا ہے۔
اس تہوار میں لڑکی والوں کی جانب سے اپنے دامادوں کو دعوت دی جاتی ہے جبکہ ایک خاندان نے اس تہوار کو اس سال ایسا منایا ہے کہ خبروں کی زینت اور سوشل میڈیا پر وائرل ہو گیا ہے۔
بھارتی ویب سائٹ ’انڈیا ٹو ڈے‘ کے مطابق آندھرا پردیش سے تعلق رکھنے والے اس خاندان نے مستقبل میںبننے والے اپنے داماد کی 365 پکوانوں سے تواضع کر کے نئی مثال قائم کر دی ہے۔
اِن پکوانوں میں30 طرح کے مختلف سالن، سادے چاول، بریانی اور 100 طرح کے روایتی اور بدیسی میٹھی غذائیں موجود تھیں۔
میڈیا رپوٹس کے مطابق 365 غذاؤں کی فہر ست میں15 طرح کی مختلف آئس کریمز، پیسٹریز، کیک، ٹھنڈے گرم مشروبات اور پھل بھی شامل تھے۔
بھارتی خاندان کی جانب سے اس شاندار دعوت کا اہتمام خصوصاً اپنے ہونے والے داماد کے لیے کیا گیا تھا جس میں دنیا کے ہر میسر میوے کی موجودگی کو یقینی بنایا گیا تھا۔
اس دعوت میں لڑکی سمیت اُس کے پورے خاندان کو دولہے کی آؤ بھگت کرتے ہوئے دیکھا جا سکتا ہے۔