دنیا کا سرد ترین مقام

January 22, 2022

پیارے بچو! روس کے شہر نوریلسک (Norilsk) جوقطب شمالی سے 402 کلو میٹر دور واقع ہے ۔ یہاں سالانہ اوسط درجہ حرارت منفی 10ڈگری سینٹی گریڈ ہوتا ہے لیکن سردیوں میں اس شہر کا درجہ حرارت منفی55ڈگری سینٹی گریڈ تک گر جاتا ہے۔ یہاں سال میں 280دن سردی کا موسم رہتا ہے، جس میں 130دن تک شدید برفباری ہوتی ہے۔

یہ شہر 8سے 9ماہ تک برف سے ڈھکا رہتا ہے۔ یہاں دو ماہ کی طویل رات ہوتی ہے، سال کے ان دو ماہ میں یہاں کے شہری مکمل اندھیرے میں رہتے ہیں ، اس کے باوجود اس وقت اس شہر کی آبادی 1لاکھ 70ہزار نفوس پر مشتمل ہے۔

موسم کی شدت کے پیش نظر اس شہر میں کئی بڑی بڑی عمارتیں بنائی گئی ہیں، جن میں چھت کے نیچے سیروتفریح کا انتظام کیا گیا ہے۔ لوگ ان عمارتوں میں سائیکلنگ ، دوڑو دیگر کھیل کھیلتے ہیں۔ اس کے علاوہ شاپنگ سینٹر اور تقریبات کے لیے بھی مخصوص عمارتیں بنائی گئی ہیں۔