کوئٹہ(پ ر)فرنٹیئر کور بلوچستان نارتھ ژوب ملیشیاء کے زیراہتمام باک-افغان سرحدی علاقے سنزیلا میں فری میڈیکل کیمپ کا انعقاد ۔ تفصیلات کے مطابق انسپکٹر جنرل فرنٹیئر کور بلوچستان نارتھ کی ہدایات پر ژوب ملیشیاء نے پاک-افغان سرحدی علاقے سنزیلا میں فری میڈیکل کیمپ کا انعقاد کیا ہے ۔ فری میڈیکل کیمپ میں 230 سے زائد مریض جن میں 90 بچے اور 75 خواتین شامل تھیں کا معائنہ کیا گیا اور ادویات تقسیم کی گئیں ۔ کیمپ میں جدید لیب کے ذریعے شوگر، ملیریا، ہیپاٹائٹس، سی بی سی ٹیسٹ سمیت 40 افراد کو کرونا ویکسین کے انجیکشن بھی لگائے گئے ۔ مقامی افراد نے فرنٹیئر کور بلوچستان نارتھ کی جانب سے فری میڈیکل کیمپ کے قیام کو سراہتے ہوئے ایف سی کے اعلی حکام کا شکریہ ادا کیا ہے۔