پیرس( رضا جوہدری )پاکستان نژاد ارب پتی محمد ظہور کی جانب سے یوکرین کو روس کے خلاف جنگ کے لیے دو لڑاکا طیاروں کی خریداری میں مدد دی گئی۔ برطانوی نژاد پاکستانی تاجر محمد ظہور نے یوکرین کو دو لڑاکا طیارے روس سے جنگ میں مدد کے لیے دیئے ہیں کیونکہ تا حال روس کی جانب سے یوکرین پر حملے جاری ہیں۔ میڈیا رپورٹس کے مطابق محمد ظہور یہ مدد یوکرینی عوام کے جنگ زدہ یوکرین سے محفوظ انخلاء کے لیے کر رہے ہیں۔ دوسری جانب یوکرینی میڈیا ’ٹی ایس این‘ کے مطابق محمد ظہور کی اہلیہ، یوکرینی گلوکارہ کمالیہ ظہور کا اس سے متعلق کہنا ہے کہ ’میرا شوہر اور دیگر امیر دوست مل کر روس کے خلاف جنگ میں خاموشی سے یوکرین کی مدد کر رہے تھے، میرے شوہر نے یوکرین کی فضائیہ کے لیے دو جیٹ طیارے خریدنے میں بھی مدد کی ہے‘۔ کمالیہ ظہور کا مزید کہنا تھا کہ میرے شوہر نے مجھے یہ بتانے کے لیے گرین سگنل دیا ہے کیوں کہ اس سے قبل وہ یہ مدد راز رکھنا چاہتے تھے۔