سابق وزیر خزانہ مفتاح اسماعیل نے ہارس ٹریڈنگ کے معاملے پر عمران خان کی آڈیو سے متعلق رد عمل دیتے ہوئے کہا کہ ایشو یہ ہے کہ ایم این اے خریدنے کے لیے عمران خان کسے کہہ رہے ہیں؟
اپنے ٹوئٹر پیغام میں مفتاح اسماعیل نے کہا کہ ان کے لیے ایشو یہ نہیں ہے کہ عمران خان ایم این اے خرید رہا ہے، ایشو اس امیر شخص کا نام ہے جسے عمران خان کہہ رہا ہے کہ وہ پانچ ایم این ایز خرید کر دے۔
مفتاح اسماعیل نےکہا کہ عمران تو منافق ہے جو لوگوں کو فائدے پہنچا کر بدلے میں پیسا، زمینیں اور جیولری لیتا ہے۔
انہوں نے کہا کہ عمران خان نے اقتدار میں آنے اور اقتدار میں رہنے کے لیے صحیح یا غلط، سب کچھ کیا۔