کراچی(اعظم علی /نمائندہ خصوصی) رمضان سے قبل کراچی اور اس کے مضافاتی علاقوں میں اسٹریٹ کرائم میں بے پنا ہ اضافہ ہوا ہے جس کی وجہ سے کراچی کے کئی علاقے شہریوں کے لئے خوف کی علامت بن گئے ہیں شہریوں کے مطابق کراچی میں جرائم میں اضافے کی ایک وجہ شہر کی آبادی میں بے پناہ اضافہ بھی ہے سی پی ایل سی اور پولیس کے زرائع کے مطابق کراچی میں یومیہ تین ہزار اسٹریٹ کرائم کی وارداتیں ہوتی ہیں جن کا اندراج تھانوں میں نہیں ہوتا اس سلسلے میں جب آئی جی سندھ سے رابطہ کیا گیا آئی جی سندھ غلام نبی میمن نے کہا کہ سندھ میں مردم شماری اور پولیو کی مہم کی وجہ پولیس کی بھاری نفری ان دونوں کاموں میں مصروف ہےاس لئے شہر میں اسٹریٹ کرائم میں اضافہ ایک قدرتی عمل ہے، جنگ سے گفتگو کرتے ہوئے ان کا کہنا تھا کہ سڑکوں پر پولیس کے گشت میں فرق پڑا ہے جس کے نتیجے میں اسٹریٹ کرائم میں مزید اضافہ ہوا ہے۔