ٹی ٹوئنٹی ورلڈکپ جیتنے والی انگلینڈ کرکٹ ٹیم کے کھلاڑیوں نے برطانیہ کے وزیراعظم رشی سوناک سے ملاقات کی۔
اس موقع پر برطانوی وزیراعظم اور کرکٹرز گھل مل گئے اور سب نے ایک ساتھ کرکٹ بھی کھیلی۔
اس دوران رشی سوناک نے انگلینڈ کے بولرز کا سامنا کیا اور انہوں نے بولنگ بھی کرائی۔
ٹی ٹوئنٹی فارمیٹ میں انگلینڈ ٹیم کے کپتان جوز بٹلر نے اس حوالے سے تصاویر بھی اپنے سوشل میڈیا اکاؤنٹ پر شیئر کیں۔
سوشل میڈیا پر برطانوی وزیراعظم کی اپنی کرکٹ ٹیم سے ملاقات اور کرکٹ کھیلنے کی تصاویر اور ویڈیوز کو لوگ بہت پسند بھی کر رہے ہیں۔
واضح رہے کہ گزشتہ سال ٹی ٹوئنٹی ورلڈکپ کا فائنل پاکستان اور انگلینڈ کے درمیان کھیلا گیا تھا۔