ابرن ( پ ر) سوئٹزر لینڈ میں سفارت خانہ پاکستان کے زیر اہتمام برن میں یوم پاکستان قومی جوش و جذبے سے منایا گیا۔ تقریب میں سوئس میں بسنے والے لوگوں نے شرکت کی۔ تقریب کا آغاز تلاوت قرآن پاک سے کیا گیا، سفیر پاکستان عامر شوکت نے پاکستانی ترانے کی گونج میں پرچم کشائی کی۔ سفارت خانہ برن کے ہیڈ آف چانسلر علی محمود نے صدر پاکستان عارف علوی اور وزیر اعظم پاکستان میاں شہباز شریف کے قوم کے نام پیغامات پڑھ کر سنائے۔ سفیر پاکستان نےخطاب میں پاکستانی کمیونٹی کو یوم پاکستان کی مبارکباد دیتے ہوئے کہا کہ پاکستان نے دہشت گردی اور شدت پسندی کیخلاف جنگ میں کامیابیاں حاصل کی،جمہوریت اور امن کیلئے ہم پر امید ہیں ۔ان کا کہنا تھا اوورسیز پاکستانی پاکستان کی اصل طاقت ہیں۔ اورسیز پاکستانیوں کا پاکستان معشیت میں ایک بہت اہم کردار ہے۔ ہمیں چاہیے ہم سب مل کر پاکستان کی ،معاشی اور سماجی ترقی و برابری کیلئے کوشاں رہیں گے،اتحاد،ایمان اور نظم و ضبط کے ساتھ ہم پاکستان کو مزید مضبوط بنا سکتے ہیں اور اس کے لئے ہمیں اپنی جدوجہد جاری رکھنا ہوگی، تقریب کا اختتام وطن عزیز کی سلامتی کی دعاؤں کے ساتھ ہوا۔