بالی ووڈ کی معروف اداکارہ منیشا کوئرالہ نے کہا ہے کہ انہوں نے رجنی کانت کی فلم بابا کی ناکامی کے بعد اپنا ساؤتھ انڈیا کا فلمی کیریئر ختم کردیا تھا۔
اداکارہ کے مطابق اس ناکامی کے بعد انہیں جنوبی بھارت کی مزید فلموں میں کام کی پیشکش ملنا بھی بند ہوگئی تھی۔
تاہم یہ فلم جو کہ پہلی بار 2002 میں ریلیز ہوئی تو باکس آفس پر ناکام رہی، لیکن اب 20 برس بعد دسمبر 2022 میں اس فلم کو کچھ تبدیلیوں کے ساتھ جب دوبارہ ریلیز کیا گیا تو یہ کافی کامیاب ثابت ہوئی ہے۔
واضح رہے کہ منیشا کوئرالہ نے ساؤتھ کی فلم انڈسٹری میں کافی شہرت حاصل کی تھی خاص کر 1995 کی فلم بمبئی اور 1996 کی انڈین ان ہٹ فلموں میں شامل ہیں۔
اپنے ایک حالیہ انٹرویو میں ان کا کہنا تھا کہ رجنی کانت کی تامل فلم بابا کو بڑی امیدوں کے ساتھ ریلیز کیا گیا لیکن یہ اس وقت ناکام رہی جس کے ساتھ ہی ان کا ساؤتھ کا کیریئر بھی اختتام پذیر ہوا۔