امریکی ریاست نیو ہیمپشائر میں ایک پرانی اشیا فروخت کرنے والے اسٹور سے 4 ڈالر میں خریدی گئی ایک پینٹنگ نیلامی کے دوران ایک لاکھ 91 ہزار ڈالرز میں فروخت ہوگئی۔
پینٹنگ کا یہ نادر نمونہ معروف آرٹسٹ و پینٹر این سی ویتھ (1882 - 1945) کی تخلیق تھی جو طویل عرصہ قبل گم ہوگئی تھی۔
ایک امریکی نشریاتی ادارے کے مطابق یہ آرٹ ورک ایک خاتون نے2017 میں مانچسٹر کے ایک پرانی اشیا فروخت کرنے والے اسٹور (سیورز اسٹور) سے بہت سارے فریم کے درمیان سے دریافت کر کے فقط 4 ڈالر میں خریدی۔
تاہم خاتون کو یہ معلوم نہیں تھا کہ انہوں نے میساچوسٹس (امریکا) سے تعلق رکھنے والے ایک مشہور و معروف آرٹسٹ نیویل کونورس ویتھ کا قیمتی نمونہ کوڑیوں کے مول خرید لیا ہے۔
اس پینٹنگ کا عنوان رامونہ ہے، جو کہ ہیلن ہنٹ جیکسن کے ناول رامونہ کے لٹل، براؤن اور کو کے چار کمیشنڈ سیٹ میں سے1939 کا ایک ایڈیشن ہے۔
بعدازاں بون ہیمس آکشن ہاؤس نے انسٹاگرام پر اسے شیئر کیا اور لکھا، طویل عرصے قبلاین سی ویتھ کی کھو جانے والی پینٹنگ بون ہیمس اسکینر میں19 ستمبر کو نیلامی کے لیے پیش کی جائے گی۔ بعدازاں نیلامی کے دوران یہایک لاکھ 91 ہزار ڈالرز میں فروخت ہوئی۔