• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلجیم اور لکسمبرگ میں پاکستانی سفیر کی کمیونٹی کیلئے ای کچہری کا انعقاد

آج کا اخبار
یورپ سے
29 ستمبر ، 2023
برسلز (حافظ اُنیب راشد) بلجیم، لکسمبرگ اور یورپی یونین کیلئے پاکستان کی سفیر آمنہ بلوچ نےبلجیم اور لکسمبرگ میں مقیم پاکستانی کمیونٹی کے افراد کے لیے ای۔ کچہری کا اہتمام کیا۔ برسلز میں اپنی تعیناتی کے بعد سے یہ ان کی دوسری کھلی کچہری تھی جہاں انہوں نے کمیونٹی ممبران کے مسائل سنے اور انہیں ان کے بروقت ازالے کی یقین دہانی کرائی۔ اس موقع پر سفیر پاکستان نے شرکاء کو گزشتہ ای-کچہری میٹنگ میں رپورٹ کیے گئے ان کے مسائل کے حل کے لیے سفارت خانے کی طرف سے کی گئی کوششوں کے بارے میں آگاہ کیا ۔ انہوں نے کمیونٹی ممبران کا ان ماہانہ ای کچہری انٹرایکٹو میٹنگز میں بھرپور شرکت پر شکریہ بھی ادا کیا۔ کمیونٹی کے ارکان نے کمیونٹی کے ساتھ باقاعدہ بات چیت کا اہتمام کرنے پر سفیر کا شکریہ ادا کیا۔ جواب میں سفیر نے سفارت خانے کی کھلے دروازے کی پالیسی پر زور دیتے ہوئے کمیونٹی ارکان کی ورچوئل فارمیٹ سے ہٹ کر سفارت خانے آنے اور عملی طور پر مختلف کاموں میں شمولیت کی حوصلہ افزائی کی۔
یورپ سے سے مزید