حال ہی میں روشتۂ ازدواج میں منسلک ہونے والی بالی ووڈ کی سابق اداکارہ ثناء خان کی اپنے شوہر کے ہمراہ سیر سپاٹوں کی ویڈیو وائرل ہو گئی ہے جبکہ اُن کی ساس نے اُنہیں بریانی بنا کر کھلائی ہے۔
بھارتی شوبز انڈسٹری چھوڑ کر دین کا رستہ اختیار کرنے والی سابق بھارتی اداکارہ ثناء خان نے رواں ماہ گجرات سے تعلق رکھنے والے مفتی انس نامی شخص سے شادی کی ہے۔
ثنا ء خان کی مہندی سے لے کر شادی تک کی ہر تقریب کی تصویروں کو سوشل میڈیا پر خوب پزیرائی ملی ہے۔
ثنا ء خان کی جانب سے بھی اپنے مداحوں کو شادی کی ہر تقریب سے آگاہ رکھنے کے لیے اپنے فوٹو، ویڈیو شیئرنگ ایپلیکیشن انسٹاگرام اکاؤنٹ پر خوب تصاویر شیئر کی گئی ہیں جنہیں ان کے مداحوں نے بے حد سراہا ہے۔
اب حال ہی میں نئے نویلے جوڑے کی ایک ویڈیو سوشل میڈیا پر وائرل ہو رہی ہے جس میں دیکھا جا سکتا ہے کہ ثناء خان نے حجاب پہنا ہوا ہے اور وہ اپنے شوہر کے ساتھ گاڑی میں موجود کہیں جا رہی ہیں۔
سوشل میڈیا پر وائرل یہ سیلفی ویڈیو ثناء خان کی جانب سے ہی بنائی گئی ہے۔