کینسر سے صحتیاب کرن کھیر کی شوبز میں واپسی

بھارتی اداکار انوپن کھیر کی اہلیہ اور اداکارہ کرن کھیر نے کینسر کو کامیابی سے شکست دے کر دوبارہ شوبز کی دنیا میں قدم رکھ دیا ہے۔ 

بتایا جارہا ہے کہ وہ ایک ٹیلی وژن ریئلٹی شو کو جج کریں گی جس میں شلپا شیٹی اور گلوکار بادشاہ ان کے معاون ہوں گے۔

کرن بہت جلد بلڈ کینسر کو شکست دے گی: انوپم کھیر

حال ہی میں بلڈ کینسر کا شکار ہونے والی سینئر بھارتی اداکارہ اور بھارت کی حکمران جماعت بھارتیہ جنتا پارٹی (بی جے پی) کی چندی گڑھ سے رکنِ پارلیمنٹ کرن کھیر کے شوہر انوپم کھیر نے اپنی اہلیہ کا حوصلہ بُلند کرتے ہوئے کہا ہے کہ وہ جلد بلڈ کینسر کو شکست دیں گی۔

واضح رہے کہ وہ اس ریئلٹی شو سے 2009 سے منسلک ہیں اور اپنی بیماری سے صحتیابی کے بعد واپس شو پر آنے پر انہوں نے اپنے جذبات کا اظہار کرتے ہوئے کہا کہ یہ شو میرے دل کے قریب ہے۔ 

واضح رہے کہ رواں برس اپریل میں کرن کے شوہر انوپن کھیر نے بتایا تھا کہ ان کی اہلیہ کو کینسر کا عارضہ لاحق ہوگیا ہے۔ 

ایک ماہ قبل کرن کھیر نے اپنے انٹرویو کے دوران بتایا تھا کہ وہ آہستہ آہستہ صحت یاب ہورہی ہیں۔